Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Каджеромын

SXiWIyfkQ7A

Каджеромса шӧр школаын карантин восьтӧмаӧсь. Еджыд марляӧн вомъяссӧ вевттьӧмӧн велӧдчӧны челядьыс. Гижысь Алексей Поповӧс эськӧ тшӧктӧны жӧ вӧлi марлясӧ кӧртавны, но сяммис пыксьыны. Сiдз нин пӧ гӧлӧсӧй уна сёрнисьыс чирӧма да сэки дзик нинӧм оз кутны сёрнисьыс челядьыс гӧгӧрвоны. Школаын сайкыд. Посёлокса ломтысянiнас пӧ тӧв кежлас вайисны парапин сора мазут да ӧдыс дзик абу. Батареяясыс муртса шоныштӧны. Но серам сорнад нывкаяс да зонкаяс эз удитны кынмыны. Зэв любӧпырысь кывзiсны. Накӧд янсӧдчӧм бӧрын «Би кинь» журналса главнӧй редактор веськӧдчис детсадйӧ. Кӧсйис эськӧ нин куражитчыштны, мудз вылӧ ыстысьны, но кагульничаясыс зэв ёна корисны. Нимкодь лои налы, кор Алексей Вячеславович кежалiс татчӧ. Быдторсӧ петкӧдлiсны, мый бурыс эм детсадйын. Танi и лои сигӧртӧма литературнӧй аддзысьлӧмъяссӧ, Печора карӧ да районса сикт-посёлокъясӧ волӧмсӧ. Гижысь да «Коми йӧзӧдчан керкаса» веськӧдлысьӧс вежысь Лариса Тимофеевна Попова, кодi ас машинанас новлӧдлiс да став снимокъяссӧ вӧчис, сьӧлӧмсянь аттӧалӧны дзик ставнысӧ. Ӧд аддзысьлӧмъяссӧ котыртысьяс бура лӧсьӧдчӧмаӧсь да пыр зiлисны, медым паныдасьлӧмъясыс тӧвся кӧдзыд вылӧ видзӧдтӧг мунiсны шоныда.

IuzFxy4Msvs

Набережнӧй посёлокса школаын

SXiWIyfkQ7A

Со и помлань локтiсны Печора районын коми литература лунъяс, кодъясӧс котыртны отсалiс «Лукойл» котыр. Декабр 23 лунӧ «Би кинь» журналса главнӧй редактор, коми гижысь Алексей Попов кежалiс Набережнӧй посёлокӧ. Танi гижысьясыс некор на водзтi абу вӧвлӧмаӧсь. Та вӧсна став школаыс чукӧрччис. Велӧдчысьыс абу уна, сӧмын нелямын ӧти нывка да зонка. Коми кывсӧ танi велӧдӧны жӧ. Посниджык челядь пышкай йылысь кытшӧ сувтӧмӧн сьылiсны, весиг гижысьӧс аскӧдныс корисны ворснысӧ. Та бӧрын Алексей Вячеславович да «Коми йӧзӧдчан керкаса веськӧдлысьӧс вежысь Лариса Попова веськӧдчисны Каджеромлань.

 tkaTOBWaoU

Лугӧвӧй посёлокын

SXiWIyfkQ7A

EC8kpv Y9Zk

Водзӧ мунӧны Печораын коми литература лунъяс, кодъясӧс лои нуӧдӧма «Лукойл» котыр отсӧгӧн. Декабр 22 рытӧ Коми Республикаса народнӧй гижысь Алексей Попов волiс Лугӧвӧй посёлокса библиотекаӧ. Шензьӧдана мича пельӧс аддзис татысь. Сiйӧс сиӧма важ коми оласноглы. Библиотекар Ангелина Ивановна Мишарина петкӧдлiс, кутшӧм дозмук-кӧлуйӧн вӧдитчисны уна во сайын олысьяс. Кузя вермис висьтавны, но матыстчисны посёлокса гырысь да посни войтыр. Татчӧ жӧ пырисны интернатын олысь челядь. Кызвыныс Конечбор сиктысь, кодi ветымын километр сайын. Велӧдчӧны да олӧны Лугӧвӧйын. Зэв шань да авъя нывкаяс да зонкаяс. Сюся кывзiсны гижысьлысь коми литература да аслас удж йылысь висьталӧмсӧ. Декабр 23 лунӧ Алексей Вячеславович да «Коми йӧзӧдчан керкаса» директорӧс вежысь Лариса Тимофеевна Попова мӧдӧдчисны Набережнӧй да Каджером посёлокъясса лыддьысьысьяс дорӧ.

Водзӧ мунӧны гижыськӧд аддзысьлӧмъяс

SXiWIyfkQ7A

Коми гижысь Алексей Попов висьталӧ ыджыд аттьӧ Печора карса челядьлӧн библиотекаын уджалысьяслы. Шоныд аддзысьлӧм котыртӧмысь. Зэв бура дасьтысьӧмаӧсь паныдасьӧм водзвылас танi. А кор воисны библиотекаӧ челядь, лои нӧшта на кыпыд. Зэв писькӧс вежӧра нывкаяс да зонкаяс эз сӧмын кывзыны гижысьӧс, но и унатор асьныс содталiсны. Весиг ӧти висьтлы помсӧ ас ногыс вӧчисны. Тадзисӧ пӧ вермас жӧ лоны. Гижысь эз вӧв паныд. Ошкис да шуис, мый колӧ ичӧтсянь велӧдчыны мӧвпавны. Да лача кутiс, мый челядь пӧвстысь кодъяскӧ лоасны гижысьясӧн.

LjuiXREx NQ

Коми гижысь и Печораса челядь

SXiWIyfkQ7A

Печора карса челядь вӧлӧм быдтор кӧсйӧны тӧдны. Тайӧс «Би кинь» журналса главнӧй редактор, коми гижысь Алексей Попов гӧгӧрвоис, кор асывнас локтiс аддзысьлыны ӧкмысӧд номера школаын велӧдчысьяскӧд. Кык час чӧж ковмис сылы висьтасьны да вочавидзны помтӧм-дортӧм юасьӧмъяс вылӧ. Ичӧт класса став велӧдчысьыслы шуд уси аддзывны ловъя гижысьӧс да варовитны сыкӧд быдтор йывсьыс. Челядь кӧсйисны тӧдны, кыдзи чужӧны гижӧдъяс, кутшӧм пемӧс медся ёна радейтӧ Алексей Вячеславович, кодъяскӧд ёртасис ичӧт арлыднас да сiдз водзӧ. Урокъяс помасисны, а челядь некыдзи эз вермыны янсӧдчыны сыкӧд, ӧд уна юалӧм на эз удитны сетны.

1IRHX0 QoMc

Миян гижысьяс и водзӧ паныдасьлӧны Печора карын лыддьысьысьяскӧд

SXiWIyfkQ7A

7x6AJTviMFw

Декабр 21 лун помын гижысь Алексей Попов паныдасьлiс Печора карса лыддьысьысьяскӧд, кодъяс чукӧртчисны шӧр библиотекаӧ. Сэтчӧс уджалысьяс зэв бура дасьтысьӧмаӧсь аддзысьлӧм кежлас да отсасисны коми прозаик да драматурглы нуӧдны рытсӧ. Быдтор телепит вӧлӧма тӧдны Печораса войтырлы. Уна юасьӧм вылӧ ковмис вочавидзны Алексей Вячеславовичлы. Кор тӧдмалiсны, мый татчӧ волыны отсалiс «Лукойл» котыр, сьӧлӧмсяньыс ошкисны сiйӧс татшӧм водзмӧстчӧмсьыс. Талун коми гижысьӧс виччысьӧны ӧкмысӧд школаса челядь, карысь первой номера да Лугӧвӧй посёлокысь библиотекаясын лыддьысьысьяс.

Коми гижысь Кожваын

SXiWIyfkQ7A

qarGBJGOKiw

Печора районын водзӧ мунӧны коми литература лунъяс. Талун асыв танi зэв кӧдзыд. Нелямын градусысь улӧджык лэччӧма. Но та вылӧ видзӧдтӧг асывнас «Би кинь» журналса главнӧй редактор, Коми Республикаса народнӧй гижысь Алексей Вячеславович Попов паныдасьлiс Кожва посёлокса детсадйӧ ветлысь челядькӧд да сэнi уджалысьяскӧд. Танi зэв пыдiсянь тӧдмасьӧны коми кывкӧд да коми оласногкӧд. Весиг важ коми керкалысь жыр лӧсьӧдӧмаӧсь да любӧпырысь петкӧдлiсны сiйӧс гӧсьтъяслы. Сэсся коми кыв велӧдысь посни войтыр варовитiсны гижыськӧд. Кожва детсадса нывкаяс да зонкаяс тшӧкыда гижлӧны «Би кинь» журналӧ да пырӧдчӧны быд конкурсӧ. Эскам, мый быдмысь войтырлы нэм кежлас коляс вежӧрас тайӧ аддзысьлӧмыс.

наверх