Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Коми му

Усьӧм лыдпас

khatanzeyskiy

Лов кыпӧдана юӧр!.. Али абу лов?.. Энлӧй. Стӧча кӧ шуны, экономика кыпӧдан юӧр. Тадзтӧ бурджык. И сідз...

А мый йылысь нӧ ме?.. Отпускалӧм водзад тадзи и эм – чемоданын кӧть юрын, ставыс гудыр-гадыр...

Генпрокуратуралӧн артасьӧм серти, кольӧм во Россияын взятка сетӧм-босьтӧм чинӧма быдса 17,2 прӧчент вылӧ: 2015 воын кӧ оланпастӧ торкӧмаӧсь 6.399 морт, 2016-ӧдын – 5.297. Сӧмын!..

Чужан лунӧн, Россия!

KM 1

Гажа сьылӧм-йӧктӧмӧн, ордйысьӧм-ворсӧмӧн, уна сикас выставка-петкӧдчӧмӧн пасйисны юркарсаяс да налӧн гӧсьтъяс Россиялысь лун, а сідзжӧ Сыктывкарлы 237 во тырӧм.

Вӧр-ватӧ минпромыд оз дорйы

Кольӧм воторникӧ республикаса правительстволӧн президиум видлаліс Комиын вӧр-ва дорйысьяслы зэв тӧдчана юалӧм, кодӧс регионса Юралысь Сергей Гапликовкӧд июнь 9 лунӧ аддзысьліганыс бара на кыпӧдісны «Изьватас» да «Коми войтыр» котыръясысь нырщикъяс Николай Рочев да Алексей Габов.

Казьтыштам, медшӧр сёрниыс налӧн вӧлі Комиын вӧр-ва доръян торъя министерство бӧр лӧсьӧдӧм йылысь. Алексей Габовлӧн видзӧдлас серти, тайӧ ведомствосӧ некыдз оз позь вӧлі ӧтувтны минпромкӧд, уджмогъясыс налӧн ёна торъялӧны да. Минпромлы медвойдӧр колӧ корсьны инвесторъясӧс, тшӧтш и суйӧр сайысь промышленникъясӧс, кодъяс вермасны вичмӧдны миян республикаын экономика водзӧ сӧвмӧдӧм вылӧ сьӧм. А вӧр-ва доръян министерстволӧн уджын медтӧдчанаыс – видзӧдны, медым минпромлӧн да промышленникъяслӧн ӧтувъя уджыс омӧль боксянь эз мӧрччы вӧр-валы. А суас кӧ нин ускӧттьӧыс, перйыны штрап либӧ мукӧд ногӧн чорыда ӧлӧдны оланпас торкалысьяссӧ. Министерстволӧн та вылӧ эм позянлуныс.

ДЖЕНЬЫДА

KM 2 1

Олӧмалы – дон босьттӧг

Бур вӧчан воӧ Емдін районса Туискерӧс сиктын олысь Айму вӧсна Ыджыд тыш дырйи тылын уджалысь Анна Козловалысь дон босьттӧг гӧрисны ӧшинювса картупель мусӧ.

Мед гӧгӧр СӦСТӦМ вӧлі

KM 3 1

Россиялысь лун пасйӧм водзвылын «Коми войтыр» ӧтмунӧмын водзмӧстчысьяс петалӧмаӧсь экология да бур вӧчан волы сиӧм субӧтникъяс вылӧ, – юӧртӧ республикаса национальнӧй политика министерствоысь пресс-служба.

ЧЕЛЯДЬ ДА МИ

KM 4

Татшӧм мамыд оз ков?

Сыктывкарын судса приставъяслӧн федеральнӧй служба управлениеын уджалысьяс опека да попечительство учреждениеысь специалистъяскӧд шуӧмаӧсь босьтны юысь гозъялысь куимнан челядьсӧ, зонпосни бӧрсяыс некутшӧм дӧзьӧр абу да.

Енсянь отсӧг

KM 9 1

«ВКонтактеын» йӧзӧдӧмаӧсь снимок: Инта ю вомӧн пос вылын кевмысьӧ Воркутаса да Усинскса епископ Иоанн, медым ваыс ямас да оз пӧдты интасаӧс.

Дерт, снимок улас унаӧн заводитӧмаӧсь гижасьны. Кызвыныс сералӧмаӧсь, шуасьӧмаӧсь: «Тадзи позьӧ став гӧрӧдсӧ разьны. Туйяс дзоньтавны. Вежа ваӧн резін, кадилӧӧн тшынӧдін — и выль асфальт...»

Ринг вылын — КОРОЛЬ

KM 17

Томъясыд ӧдйӧ верстяммӧны-быдмӧны. Он и тӧдлы, кыдзи Сыктывкарын олимпийскӧй резервлӧн мӧд номера спортшколаысь том зонъяс талун-аски нин «бордъясясны» да воськовтасны ыджыд спортӧ.

И Намын олысь доймалӧма

Июнь 12 лунӧ Крымын туй выв неминучаын доймалӧма и Комиын олысь.

Ускӧттьӧыс лоӧма 9.30 час асылӧ Массандра дорын. Автобусын, коді зурасьӧма «Газелькӧд», вӧлӧма 27 морт, на пиысь витыс челядь.

Крымса ГИБДД-ысь пресс-секретарь Наталья Кашкарова юӧртіс, мый «Газель» руль сайын пукалысь висьталӧма, тормозӧй пӧ ӧткажитіс, да та вӧсна и автобусыс путкыльтчӧма. Туристъясыс вӧлӧмаӧсь Москваысь, Челябинскысь, Нижневартовскысь, Пенза обласьтысь да Коми Республикаысь. Доймалӧмаясӧс, а тайӧ ӧкмыс морт, нуӧмаӧсь Ялтаса больничаӧ. Ӧти на пиысь реанимацияын.

Кыдзи лои тӧдса, доймалӧма Кӧрткерӧс районса Намысь Галина Николаевна Шаманова.

наверх